Klakarnir útivistarklúbbur
Fyrir svala iðkendur á vegum Sjálfsbjargar á Akureyri. Klakarnir byrjuðu að fara með fatlaða á skíði veturinn 2007. Í vetur er markmiðið að halda áfram góðu starfi.
KLAKARNIR bjóða öllum líkamlega og andlega fötluðum krökkum á landinu upp á skíðaþjálfun í Hlíðarfjalli aðra hverja helgi í vetur. Markhópur Klakanna eru þeir sem hafa áhuga og kraft til að leggja á sig erfiða hluti. Skíðaþjálfunin er í umsjá reyndra skíðamanna og fagaðila á heilbrigðissviði. Fatlaðir ásamt foreldrum og vinum fá hér tækifæri til að stunda skíðamennsku þar sem skíðabúnaður er aðlagaður að fötlun og færni hvers iðkanda.
Eitt af markmiðum Klakanna er að kenna fötluðum á skíði og aðstandendum að aðstoða eftir þörfum. Nánari upplýsingar eru á klakarnir.is.