Iðjuþjálfun hefur það að markmiði að efla færni fólks við iðju og auka sjálfstæði og lífsfyllingu. Sjúkdómar og aðrir erfiðleikar geta haft áhrif á daglega iðju fólks og koma m.a. fram í skertri starfsgetu, verkjum, stirðleika, máttleysi og þreytu. Þjónusta iðjuþjálfa tekur á þessum vandamálum með kerfisbundnum og skjólstæðingsmiðuðum hætti þar sem efling iðju er í brennidepli.
Af hverju iðjuþjálfun?
- Þú ferð í iðjuþjálfun af því að þú vilt verða betri í einhverri iðju sem dæmi þú villt geta reimað skóna þína, notað skeið, klætt þig í sokka, skrifað, átt árangursrík samskipti og unnið hópavinnu.
Hverjir koma í iðjuþjálfun?
- Fólk sem hefur misst niður færni af einhverjum ástæðum t.d. vegna heilablóðfalls eða slyss.
- Börn koma vegna þroskaraskanna sem hafa áhrif á færni þeirra við ýmis verk.
- Oft koma börn áður en þau byrja í skóla þar þörf þykir að efla færni í skólatengdum athöfnum áður en skólaganga hefst.
- Börn og unglingar se eiga í erfiðleikum með einhver verk eða athafnir vegna erfiðleika með fín- og grófhreyfingar.
Hvað er iðjuþjálfun?
Iðjuþjálfun snýst um að efla og viðhalda færni fólks í athöfnum sem eru mikilvægar fyrir það.
- Fólk á öllum aldri kemur í iðjuþjálfun til að verða betri í einhverju sem það áður gat og er því mikilvægt
- Börn koma í iðjuþjálfun til að efla sína færni svo það gangi til að mynda betur í skóla eða með samskipti við
félaga sína eða fjölskyldu. Iðjuþjálfun sem að sjálfsögðu snýst um eflingu á færni fer þá gjarnan fram
í gegnum:
- Leik. Til dæmis er lögð áhersla á að efla færni barna í gegnum leik.
- Þjálfun. Til dæmis að þjálfa fólk í að fara úr hjólastól og í bíl.
- Aðlögun. Til dæmis er sótt um hjólastóla og önnur hjálpartæki útveguð til að efla færni.
- Fræðslu og ráðgjöf um málefni er lúta að eflingu á færni til foreldra og skóla